CHEF:
神祕東方沿岸有個海港 紅色帆船駛經維多利亞港
摩天大廈鏡頭一轉 穿梭橫街窄巷 石屎森林 形成密集大都會
想體會 入鄉隨俗了解東方歷史 洋警司 都要學識揸筷子
李小龍 哲拳道 擊退洋鬼子 名留青史 令武術席捲全球
真正臥虎藏龍 隱世於無形 聲音無形 空氣無形 旋律成奪命武器
調理好味 舌尖比劍尖鋒利 黃色拒絶倒退 撰寫時代印記
97前英國殖民 97後中華人民 喺邊度出身究竟有乜嘢身份
2015三角度降落洛杉磯 東方列車降落日落大道歡迎你
EDC:
一個中國人 作為黃種人 台灣中國香港點解係都要分
點解唔一齊have fun 一齊roll blunt 點解唔團結同一個精神
無論你覺得自己有幾掂 外國朋友問最正嘅翻版碟 喺邊
唉 我哋撇唔甩我哋黃人嘅身份
我係香港人 唔用粗口講嘢我哋覺得冇乜癮
我係中國人 上海廣州北京啲銀紙係咁印
代表我哋黃種嘅男人 感謝台灣台妺 簡直係極品
我係中國人 就算出世揸住加拿大嘅身份
MC YAN:
遙遠嘅東方一條龍
獅子山下面住咗九條龍
風水輪流轉 山水有相逢
歷史繼續流逝 時勢做英雄
一條小漁村 一個大鳥籠
林林總總 遍地金銀銅
人頭湧湧 唔夠地自容
呢處有平安 亦都有平庸
老細不停轉 同一班隨從
制度可以轉 窮人一樣照窮
錢改變一切 亦加快沉淪
人退化為蟲 仲講乜嘢共融
命運自己掌控 花無百日紅
學習面對普世 人人雷同
每一個人都係地球嘅兒童
香港咁細都出咗一個李小龍
